இந்தியாவில் தொடங்கப்பட்ட ஆடவருக்கான ஐபிஎல் தொடர், 15 ஆண்டுகள் கடந்து வெற்றிகரமாக வீர நடைபோட்டு வருகிறது. இதேபோன்று, மகளிருக்கான டி-20 போட்டியை முதல்முறையாக இந்த ஆண்டு பிசிசிஐ வெற்றிகரமாக நடத்தி வருகிறது. ஐபிஎல் போட்டிக்கு இணையாக நடைபெற்ற மகளிர் பிரீமியர் லீக் தொடரின் இறுதிப் போட்டியில் டெல்லி கேப்பிட்டல்ஸ் - மும்பை இந்தியன்ஸ் அணிகள் பலப்பரீட்சை நடத்த உள்ளன.

டெல்லி அணியை பொறுத்தவரை லீக் சுற்றில் 6 வெற்றிகளை பதிவு செய்து, ரன் விகித அடிப்படையில் நேரடியாக இறுதிப் போட்டிக்குள் நுழைந்தது. கேப்டன் மெக் லானிங் (Meg Lanning), டெல்லி அணியின் தூணாக விளங்குகிறார். இதுவரை ஆடிய 8 போட்டிகளில் 2 அரைசதம் உட்பட 310 ரன்களுடன், அதிக ரன்கள் சேர்த்தவர்கள் பட்டியலில்  முதலிடத்தை அலங்கரித்துள்ளார். இவரை கட்டுப்படுத்துவதே மும்பை அணிக்கு மிகப்பெரிய சவாலாக இருக்கும்,