IND L vs ENG L: ‘சச்சின், யுவராஜ் காட்டடி’…மிரட்டல் பேட்டிங்: இந்தியா ரன் குவிப்பால்...இங்கிலாந்து படுதோல்வி!

IND L vs ENG L: ‘சச்சின், யுவராஜ் காட்டடி’…மிரட்டல் பேட்டிங்: இந்தியா ரன் குவிப்பால்...இங்கிலாந்து படுதோல்வி!

லெஜண்ட்ஸ் லீக் தொடர் தற்போது நடைபெற்று வருகிறது.

லெஜண்ட்ஸ் லீக் தொடரின் 14ஆவது போட்டியில் இந்திய லெஜண்ட்ஸ், இங்கிலாந்து லெஜண்ட்ஸ் அணிகள் மோதி வருகின்றன. இப்போட்டியில் டாஸ் வென்ற இங்கிலாந்து லெஜண்ட்ஸ் அணி முதலில் பந்துவீச்சை தேர்வு செய்தது. அப்போது மழை குறுக்கீடு இருந்ததால் ஆட்டம் 15 ஓவர்கள் கொண்ட போட்டியாக மாற்றப்பட்டது.

இந்திய லெஜண்ட்ஸ் இன்னிங்ஸ்:

முதலில் களமிறங்கிய இந்திய லெஜண்ட்ஸ் அணியில் ஓபனர் நமன் ஓஜா 20 (17) நிதானமாக விளையாடிய நிலையில் மற்றொரு ஓபனர் கேப்டன் சச்சின் டெண்டுல்கர் தொடர்ந்து அதிரடியாக விளையாட ஆரம்பித்தார். இறுதியில் 20 பந்துகளில் தலா மூன்று பவுண்டரி, சிக்ஸர்களை விளாசி 40 ரன்கள் சேர்த்து நடையைக் கட்டினார்.

இதனைத் தொடர்ந்து ரெய்னா 12 (8) அதிக நேரம் தாக்குப்பிடிக்கவில்லை. இருப்பினும் அடுத்து வந்த யூசுப் பதான், யுவராஜ் சிங் ஆகியோர் தொடர்ந்து காட்டடி அடிக்க ஆரம்பித்தார்கள். இதில் யூசுப் பதான் 11 பநுதகளில் 3 சிக்ஸ்ர்கள் உட்பட 27 ரன்களை எடுத்தார். யுவராஜ் சிங் 15 பந்துகளில் 3 சிக்ஸர்கள் உட்பட 31 ரன்களை விளாசினார். இறுதியில் பின்னி 18 (11), இர்பான் பதான் 11 (9) ஆகியோ் ஓரளவுக்கு ரன்களை சேர்த்ததால், இந்திய லெஜண்ட்ஸ் அணி 15 ஓவர்களில் 170/5 ரன்களை குவித்தது.

இங்கிலாந்து லெஜண்ட்ஸ் இன்னிங்ஸ்:

இலக்கை துரத்திக் களமிறங்கிய இங்கிலாந்து லெஜண்ட்ஸ் அணியில் ஒருவர் கூட 30+ ரன்களை அடிக்கவில்லை. அதிகபட்சமாக ஓபனர் மஸ்டர்ட் 29 (19) ரன்களும் அடுத்து ட்ரேம்லெட் 24 (16) ரன்களும் எடுத்தனர். மற்றவர்கள் 20+ ரன்கள தொடவில்லை. இதனால், இங்கிலாந்து லெஜண்ட்ஸ் அணி 15 ஓவர்களில் 130/6 ரன்களை மட்டும் சேர்த்து, 40 ரன்கள் வித்தியாசத்தில் படுதோல்வியை சந்தித்தது.

இந்திய லெஜண்ட்ஸ் அணி அடுத்த போட்டியில் வங்கதேச லெஜண்ட்ஸ் அணியை எதிர்கொள்ளவுள்ளது. இப்போட்டி வரும் 25ஆம் தேதி இரவு நடைபெறும் என்பது குறிப்பிடத்தக்கது.

Read more on this article
  Contact Us
  • 8/267, காமராஜர் தெரு, கருங்குளம், தூத்துக்குடி
  • contact@thamizhpathivugal.com
  • + 91 8667251764
  Follow Us
  About

நாம் தமிழனாக பிறந்து இருக்கிறோம் என்று ஒவ்வொரு தமிழனும் மார்த்தட்டி பெருமைக் கொள்ள வேண்டும்.