PAK vs ENG: ‘இந்திய அணியை வீழ்த்தியதுபோல்’…இங்கிலாந்தை துவம்சம் செய்தது பாகிஸ்தான்: பாபர் அசாம் அதிரடி சதம்!

PAK vs ENG: ‘இந்திய அணியை வீழ்த்தியதுபோல்’…இங்கிலாந்தை துவம்சம் செய்தது பாகிஸ்தான்: பாபர் அசாம் அதிரடி சதம்!

பாகிஸ்தான் சென்றுள்ள இங்கிலாந்து அணி 7 போட்டிகள் கொண்ட டி20 தொடரில் பங்கேற்று விளையாடி வருகிறது.

இதில் முதல் போட்டியில் இங்கிலாந்து அணி 6 விக்கெட்கள் வித்தியாசத்தில் வெற்றியைப் பெற்ற நிலையில், அடுத்து இரண்டாவது போட்டி கராச்சியில் நடைபெற்றது. இப்போட்டியில் டாஸ் வென்ற இங்கிலாந்து அணி முதலில் பேட்டிங்கை தேர்வு செய்தது.

இங்கிலாந்து இன்னிங்ஸ்:

முதலில் களமிறங்கிய இங்கிலாந்து அணியில் ஓபனர்கள் சால்ட் 30 (27), அலேக்ஸ் ஹேல்ஸ் 26 (21) ஆகியோர் ஓரளவுக்கு சிறப்பான துவக்கம் தந்தார்கள். அடுத்து டேவிட் மலான் கோல்டன் டக் ஆனார். தொடர்ந்து டக்கட் 43 (22), ஹேரி ப்ரூக்ஸ் 31 (19), மொயின் அலி 55 (23) ஆகியோர் அதிரடியாக விளையாடி ரன் குவிப்பில் ஈடுபட்டார்கள். இதனால், இங்கிலாந்து அணி 20 ஓவர்கள் முடிவில் 199/5 ரன்களை குவித்தது.

பாகிஸ்தான் இன்னிங்ஸ்:

இலக்கை துரத்திக் களமிறங்கிய பாகிஸ்தான் அணியில் ஓபனர்கள் முகமது ரிஸ்வான், பாபர் அசாம் இருவரும் கடைசிவரை களத்தில் இருந்தார்கள். இங்கிலாந்து அணியால் ஒரு விக்கெட்டை கூட வீழ்த்த முடியவில்லை.

முகமது ரிஸ்வான் 51 பந்துகளில் 5 பவுண்டரி, 4 சிக்ஸர்கள் உட்பட 88 ரன்களை குவித்து அசத்தினார். பாபர் அசாம் 66 பந்துகளில் 11 பவுண்டரி, 5 சிக்ஸர்கள் உட்பட 110 ரன்களை எடுத்து, டி20 கிரிக்கெட்டில் இரண்டாவது சதத்தை பூர்த்தி செய்தார். இதனால், பாகிஸ்தான் அணி 19.3 ஓவர்களில் 203/0 ரன்களை சேர்த்து, 10 விக்கெட்கள் வித்தியாசத்தில் அபார வெற்றியைப் பெற்றது.

பாகிஸ்தான் அணி இப்படி 10 விக்கெட்கள் வித்தியாசத்தில் வெற்றியைப் பெறுவது இது இரண்டாவது முறையாகும். இதற்குமுன் கடந்த டி20 உலகக் கோப்பை லீக் சுற்றின்போது இந்திய அணிக்கு எதிராக 10 விக்கெட்கள் வித்தியாசத்தில் வெற்றியைப் பெற்றிருந்தார்கள் என்பது குறிப்பிடத்தக்கது.

பாகிஸ்தான், இங்கிலாந்து இடையிலான மூன்றாவது டி20 போட்டி இன்று நடைபெறவுள்ளது.

Read more on this article
  Contact Us
  • 8/267, காமராஜர் தெரு, கருங்குளம், தூத்துக்குடி
  • contact@thamizhpathivugal.com
  • + 91 8667251764
  Follow Us
  About

நாம் தமிழனாக பிறந்து இருக்கிறோம் என்று ஒவ்வொரு தமிழனும் மார்த்தட்டி பெருமைக் கொள்ள வேண்டும்.