கூட்டணி கட்சிகளை வளைக்க திமுக திட்டம்.?.. பாஜக- அதிமுகவுக்கு செம செக்!

கூட்டணி கட்சிகளை வளைக்க திமுக திட்டம்.?.. பாஜக- அதிமுகவுக்கு செம செக்!

2024 நாடாளுமன்ற மக்களவைத் தேர்தலை எதிர்கொள்ள அரசியல் கட்சிகள் இப்போதில் இருந்தே ஆயத்தமாகி வருகின்றன. எதிர்வரும் எம்பி எலக்ஷனில் பிரதமர் நரேந்திர மோடி மதுரையில்தான போட்டியிட வேண்டும் என்று அந்த மாவட்ட பாஜக சில மாதங்களுக்கு முன்பே தீர்மானம் நிறைவேற்றி உள்ளது. மோடியும், அமித் ஷாவும் இந்த முறை மதுரையில் களமிறங்க உள்ளனர் என்று தன் பங்குக்கு அண்மையில் கொளுத்திப் போட்டார் இந்து மக்கள் கட்சியின் அர்ஜுன் சம்பத்.

இந்த முறையும் 40/40 என்று வெற்றிக் கனியை மொத்தமாக பறிக்க கழக உடன்பிறப்புகள் இன்று முதலே களப்பணியை தொடங்க வேண்டும் என்று விருதுநகரில் கடந்த வாரம் நடைபெற்ற திமுக முப்பெரும் விழா முழங்கினார் முதல்வர் மு.க.ஸ்டாலின்.

தமிழ்நாட்டில் குறைந்தபட்சம் 25 தொகுதிகளாவது நம்முடைய கூட்டணி வெற்றி பெற்றே ஆக வேண்டும். அதற்கு ஏற்றாற்போல் கட்சியின் அனைவரையும் ஒருங்கிணைத்து, கூட்டணிக் கட்சிகளை அனுசரித்து நடந்துக் கொள்ளும்படி டெல்லி வைத்து இபிஎஸ்ஸு்க்கு அட்வைஸ் செய்துள்ளார் அமித் ஷா. 2924 தேர்தலில் காங்கிரஸ் புத்துயிர் பெறுவதற்காக இந்திய ஒற்றுமை யாத்திரையை தொடங்கி நடத்தி வருகிறார் காங்கிரஸ் முன்னாள் ராகுல் காந்தி.

இப்படி அரசியல் தலைவர்கள் ஆளாளுக்கு 2024 மக்களவைத் தேர்தலை குறிவைத்து வைத்து செயல்பட தொடங்கி உள்ள நிலையில், அதிமுக -பாஜக கூட்டணியில் குண்டு வைக்கும்படியான ஓர் திட்டத்தை தீட்டி உள்ளதாம் திமுக.

இபிஎஸ்சின் அடுத்த அதிரடி ஆக்ஷன்... ஓபிஎஸ் அன்கோ ஷாக்!
தேசிய ஜனநாயக கூட்டணியில் தற்போது அதிமுக, பாஜக, பாமக, தேமுதிக உள்ளிட் கட்சிகள் அங்கம் வகித்துவரும் நிலையில், இக்கூட்டணியில் இருந்து பாமக மற்றும் தேமுதிகவை தன் பக்கம் இழுப்பதுதான் திமுகவின் திட்டமாம். கூடவே, கடந்தமுறை தனித்து களம்கண்ட மக்கள் நீதி மய்யத்தையும் தன்னோடு சேர்த்து கொள்ளவும் கழகம் விரும்புகிறதாம்.

இந்திய ஜனநாயக கட்சியை (IJK) தவிர, காங்கிரஸ், மார்க்சிஸ்ட் கம்யூனிஸ்ட் உள்ளிட்ட கட்சிகள் திமுக கூட்டணியில்தான் நீடித்து வருகின்றன. இந்த நிலையில் பாமக, தேமுதிக ஆகிய கட்சிகளையும் இந்த பக்கம் இழுத்துவிட்டால் கூட்டணி இன்னும் வலுப்பெறும் என்ற திமுக தலைமை கருதுகிறதாம். அத்துடன் கூட்டணியில் பாஜகவை சேர்த்து கொண்டதால்தான், சிறுபான்மையின மக்களின் வாக்குகளை அதிமுக இழந்தது. அதன் விளைவாக 2019 மக்களவைத் தேர்தலில் படுதோல்வியும், 2021 சட்டமன்றத் தேர்தலில் வெற்றி வாயப்பையும் அதிமுக கோட்டைவிட்டதாக அக்கட்சியின் சி.வி.சண்முகம் உள்ளிட்ட இரண்டாம்கட்ட தலைவர்கள் பகிரங்கமாக குற்றம்சாட்டி வருகின்றனர்.

இத்தகைய சூழலில், அந்த கூட்டணியில் இருந்து பாமக, தேமுதிக ஆகிய கட்சிகளை பிரித்துவிட்டால், கூட்டணி வலுவிழந்து, அதிமுக -பாஜக தனித்து விடப்படும். அதன் பயனாக சிறுபான்மையினரின் வாக்கை இந்த முறை கூடுதலாக பெற்று எளிதாக வெற்றிப் பெற்று விடலாம் என்பதுதான் திமுகவின் கணக்காக உள்ளதாம்.

அமித் ஷாவின் டார்கெட் 25... தலைக்கு மேல் தொங்கும் கத்தி- எடப்பாடி எடுக்க வேண்டிய அஸ்திரம்!
ஆனால், தமிழ்நாட்டில் மொத்தம் 39, புதுச்சேரியில் ஒரு தொகுதி என மொத்தம் 40 தொகுதிகள் உள்ளன. இதனை எப்படி இவ்வளவு கட்சிகளுக்கு பிரித்து தர முடியும் என்று கேட்டால், அதற்கும் அசத்தலான தொகுது பங்கீட்டு கணக்கை சொல்கின்றனர் திமுக உடன்பிறப்புகள்.

2019 மக்களவைத் தேர்தலில் புதுச்சேரியையும் சேர்த்து திமுக கூட்டணியில் காங்கிரஸுக்கு மொத்தம் 10 தொகுதிகள் ஒதுக்கப்பட்டிருந்தன. இதனை இந்த முறை பாதியாக குறைத்து, அந்த இடங்களை கூட்டணி கட்சிகளுக்கு பிரித்து தருவதுதான் திமுகவின் மாஸ்டர் பிளானாம்.

அதாவது காங்கிரஸுக்கு கடந்த தேர்தலில் ஒதுக்கப்பட்ட 10 தொகுதியை 5 ஆக குறைத்து, அந்த 5 தொகுதிகளை பாமக, மநீம ஆகிய கட்சிகளுக்கு தலா 2, தேமுதிகவுக்கு ஒரு இடம் என பிரித்துதர உத்தேசித்துள்ளதாம். ஆனால், கடந்த முறை தமக்கு ஒதுக்கப்பட்ட 10 தொகுதிகளில் 9 இடங்களை கைப்பற்றிய காங்கிரஸ், இந்த முறை ஒற்றை இலக்கத்தில் தொகுதிகள் ஒதுக்கப்பட்டால் அதனை ஏற்றுகொள்ளுமா? ரெண்டு சீட், நாலு சீட்க்காக பாமக, தேமுதிக ஆகிய கட்சிகள் அதிமுக கூட்டணியி்ல் இருநது வெளியேறி திமுகவுடன் கைகோர்க்குமா? என அடுக்கடுக்கான கேள்விகள எழுத்தான் செய்கின்றன. இந்த கேள்விகள் எல்லாவற்றுக்கும், அரசியலில் எதுவும் நடக்கலாம் என்பதே பதிலாக உள்ளது.

Read more on this article
  Contact Us
  • 8/267, காமராஜர் தெரு, கருங்குளம், தூத்துக்குடி
  • contact@thamizhpathivugal.com
  • + 91 8667251764
  Follow Us
  About

நாம் தமிழனாக பிறந்து இருக்கிறோம் என்று ஒவ்வொரு தமிழனும் மார்த்தட்டி பெருமைக் கொள்ள வேண்டும்.