92% இந்திய பெண்களுக்கு ஆரோக்கியம் பற்றிய விழிப்புணர்வு இருந்தாலும் உதவி கேட்கத் தயங்குகிறார்கள் -ஆய்வு

92% இந்திய பெண்களுக்கு ஆரோக்கியம் பற்றிய விழிப்புணர்வு இருந்தாலும் உதவி கேட்கத் தயங்குகிறார்கள் -ஆய்வு

பெண் ஆரோக்கியம் (feminine health) தொடர்பான கவலைகள் மன மற்றும் உணர்ச்சி ஆரோக்கியத்தை பாதிக்கும் என்பதை பெரும்பாலான பெண்கள் அறிந்திருக்கிறார்கள். ஆனால் குறைந்த அளவிலான பெண்கள் மட்டுமே உரிய நடவடிக்கைகளை எடுக்கிறார்கள் என்று ஆய்வில் தெரிய வந்துள்ளது.

92% இந்திய பெண்கள் feminine health சிக்கல்கள் பற்றி அறிந்திருந்தாலும் அவர்கள் தங்களது நல்வாழ்வை மேம்படுத்த, தேவையான உதவியை நாடத் தயங்குகிறார்கள் என்று இந்த சுகாதார ஆய்வு கூறுகிறது. தனியார் மருத்துவமனை ஒன்றின் சமீபத்திய கணக்கெடுப்பின்படி, 92%-ற்கும் அதிகமான பெண்கள் பெண்கள் சார்ந்த உடல்நலப் பிரச்சினைகள் பற்றி அறிந்திருக்கிறார்கள்.

ஆனால் இவர்களில் சுமார் 11 சதவீதத்தினர் மட்டுமே மகளிர் மருத்துவ நிபுணர்களிடம் வழக்கமான பரிசோதனைக்கு செல்கின்றனர் என்று ஆய்வு தெரிவிக்கிறது. பெண்களின் ஆரோக்கியம் தொடர்பான நவீன பெண்களின் முன்னுரிமைகளை புரிந்து கொள்ள மற்றும் பெண்களின் ஆரோக்கியத்தை பொறுத்தமட்டில் ஏற்பட்டுள்ள மாற்றங்களைக் கண்டறிய பிரபல மருத்துவமனையான Motherhood Hospitals கணக்கெடுப்பு ஒன்றை நடத்தியது.

கணக்கெடுப்பில் பதிலளித்த 66 சதவீதத்திற்கும் அதிகமானோர் மருத்துவர்களை சந்திக்க தயங்குவதாக கூறி உள்ளனர். அதே நேரம் சுமார் 50 சதவீத பெண்கள் மகளிர் மருத்துவம் (பெண் இனப்பெருக்க அமைப்பின் ஆரோக்கியம்) தொடர்பான தங்கள் உடல்நல கவலைகளை பற்றி குடும்பத்தில் உள்ள பெண் உறுப்பினர்களிடம் பேசுகிறார்கள். மீதமுள்ளவர்கள் தொழில்முறை நிபுணரிடம் செல்வதற்கு பதிலாக தங்கள் நண்பர்கள் அல்லது வாழ்க்கை துணையுடன் விவாதிப்பதை வசதியாக உணர்கிறார்கள் என்பதை இந்த சர்வே வெளிப்படுத்தி உள்ளது.

கர்ப்பிணிகள் வெண்டைக்காய் சாப்பிடுவதால் கிடைக்கும் நன்மைகள் : மிஸ் பண்ணாம சாப்பிடுங்க...

நாட்டின் tier-one சிட்டிகளில் வாழும் சுமார் 225 பெண்களிடம் இந்த சர்வே நடத்தப்பட்டது. சுமார் 55% பெண்கள் கர்ப்பமாக இருக்கும் போது அல்லது கருவுறுதல் தொடர்பான கவலைகள் இருக்கும் போது மட்டுமே மகளிர் மருத்துவ நிபுணரை சந்திக்கின்றனர். 22% இந்தியப் பெண்கள் மாதவிடாய் தொடர்பான பிரச்சனைகளுக்கு தொழில்முறை உதவியை நாடுகின்றனர். மேலும் 11% பெண்கள் மட்டுமே மகப்பேறு மருத்துவரிடம் வழக்கமான சோதனைகளுக்கு செல்ல விரும்புகிறார்கள். அதே நேரத்தில் 33% பெண்கள் 5 முதல் 15 நாட்களுக்குள் ஃபாலோ-அப்பிற்கு திரும்புகிறார்கள்.

பெண்களின் சமூக மற்றும் உளவியல் அம்சங்கள் போன்ற பல்வேறு காரணிகளை அடையாளம் காண இந்த சர்வே உதவியதாக Motherhood Hospitals அறிக்கை ஒன்றில் தெரிவித்து உள்ளது. அதே போல நிபுணருடன் கலந்தாலோசிப்பதற்கு பதிலாக இந்திய பெண்களுக்கான பட்டியலில் சுய பாதுகாப்பு என்பது முதலிடத்தில் இருப்பதையும் சர்வே வெளிப்படுத்தி இருக்கிறது. இருப்பினும் இவர்களில் பெரும்பாலோர் தங்கள் ஆரோக்கியத்திற்கு முன்னுரிமை அளிப்பதற்கும், தவறாமல் உடற்பயிற்சி செய்வதற்கும், ஆரோக்கியமான உணவை உட்கொள்வதற்கும், மன அழுத்தத்தின் அளவைச் சரிபார்ப்பதற்கும் முன்முயற்சியுடன் செயல்படத் தயங்குகிறார்கள்.

PCOS உள்ள பெண்களுக்கு பெர்ரீ பழங்கள் சாப்பிடுவதால் இத்தனை நன்மைகளா..? கட்டாயம் தெரிந்துகொள்ள வேண்டியவை...

பெண்களின் இனப்பெருக்கம், பாலியல், கருப்பை ஆரோக்கியம் சார்ந்த பிரச்சனைகளை நவீன யுக பெண்கள் அறிந்திருக்கிறார்கள் என்பதை இந்த ஆய்வு நிரூபித்துள்ளதாக Motherhood Hospitals-ன் தலைமை நிர்வாக அதிகாரி விஜயரத்னா வெங்கட்ராமன் தெரிவித்துள்ளார். சமீப காலங்களில் டிஜிட்டல் வளங்களை எளிதாக அணுகுவது, நிதிச் சுதந்திரம் மற்றும் அதிக அளவிலான விழிப்புணர்வு ஆகியவற்றால், இந்தியாவில் பெண்களின் பொது மற்றும் இனப்பெருக்க ஆரோக்கியம் கவனத்தை ஈர்த்து வருகிறது. இது எங்கள் சர்வே மூலம் உறுதிப்படுத்தப்பட்டது என்றார்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE - 50, TCCL - 57, SCV - 28, VK Digital - 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.

Read more on this article
  Contact Us
  • 8/267, காமராஜர் தெரு, கருங்குளம், தூத்துக்குடி
  • contact@thamizhpathivugal.com
  • + 91 8667251764
  Follow Us
  About

நாம் தமிழனாக பிறந்து இருக்கிறோம் என்று ஒவ்வொரு தமிழனும் மார்த்தட்டி பெருமைக் கொள்ள வேண்டும்.